Aydın Xiləli

Xilə kəndi

Allah bizə qismət etmiş haqq üçün yaşar Xilə kəndi,

Qəlblərə yollar açan, möcüzəli Xilə kəndi.

Qədir bilən, dünya görmüş, kəndlər içində seçilmiş,

Tarix boyu əzəmətli, cazibəli Xilə kəndi.

Elmin bilik mənbəyisən, şerin dərin örnəyisən,

Elin vuran ürəyisən, tövsiyəli Xilə kəndi.

Rəssamlığın məskənisən, şairlərin vətənisən,

Məclisləri mərsiyəli, qafiyəli Xilə kəndi.

Aydın şair viranədir, kəndi üçün divanədir,

Möcüzəli bir xanədir, dəbdəbəli Xilə kəndi!

ссылка на источник