here
and now
clubs and
communities
руccкий
english
forgot password
registration
Registration
why
register?
User
Password
Sign on
 
Baku Pages Home
Baku:
29 Aug
23:20
News and Articles
All articles | News
Recommend it Press here if you like it
1
Saturday, March 30, 2013

Toy ənənələrimiz haqqinda film çəkilb

aвтор: © Rubil
view

Toy ənənələrimiz haqqinda film çəkilb

 

Əsrlər boyu Azərbaycanın müxtəlif bölgələrində zəngin toy adət-ənələri inkişaf edərək vahid sistem əmələ gətirib. Bakı toyları öz xüsusiyyətləri ilə digər bölgələrin toy ənələrindən seçilib. Bu haqda daha ətraflı məlumatı yeni istehsal olunan “Toy marşı – Bakı toyları” adlanan tammetrajlı bədii-sənədli filmdən almaq mümkündür. Filmin quruluşçu rejissorlarından olan Murad Muradovun SİA-ya verdiyi məlumata görə milli adət-ənənələrimiz və toylar haqqında olan film bu yaxınlarda təhvil verilib. Bakı toylarına həsr olunan ekran əsəri itirilmiş milli adət-ənənələrimizi özündə ehtiva edir. Bədii səhnələrdə XVIII əsrdən başlayaraq bu günə kimi toylarımız necə keçməsi canlandırılıb. Həmin dövrdə Bakı kəndlərində toylar, yaxud xınayaxdı mərasimi, qız bəyənmə kimi ənənələrimizin necə olması burada öz əksini tapıb.

M. Muradov onu da vurğulayıb ki, bədii səhnələrlə yanaşı, filmdə tanınmış simalar da öz fikirlərini bölüşüblər: “Onların arasında xalq artistlərimiz Alim Qasımov, Əlibaba Məmmədov, Ağaxan Abdullayev, musiqişünas Hacı Teyyub Teyyubov, tanınmış şair Hacı Arif Buzovnalı var. Onlar da öz növbəsində milli adətlərimizdən söz açıblar. Film 45 dəqiqəni əhatə edir”.

Filmin bütün işlərinin bir ay əvvəl bitdiyini deyən rejissor bildirib ki, hazırda ekran əsərinin ingilis dilinə tərcümə olunması prosesi gedir. Film tərcümə mərhələsində olmasına baxmayaraq, bir sıra etnoqrafik festivallara dəvət alıb.

Filmin quruluşçu rejissoru və ssenari müəllifi əməkdar incəsənət xadimi Ələkbər Muradov, rejissoru Murad Muradov, quruluşçu operatoru Mətləb Yaquboğlu, baş prodüseri Hacı Teyyub Teyyubov, icraçı prodüseri Ədalət Yunusovdur.

Filmdə gəlin rolunda Leyla Babayeva, bəy rolunda Həsən Mehdiyev, bəyin anası rolunda Firuzə İbadova, gəlinin anası rolunda Lətafət Ramazanova çəkiliblər.

Yaxın vaxtlarda filmin təqdimatı nəzərdə tutulub.

Расскажите об этом другим:
LEGAL DISCLAIMER: BakuPages.com is not responsible for content of this page. BakuPages.com can make no representation concerning the content of these sites, nor does their listing serve as an endorsement by BakuPages.com.
Other products and companies referred to herein are trademarks or registered trademarks of their respective companies or mark holders